រោងចក្រផលិតកាមេរ៉ាប្រភេទ DX (ស៊េរីកាមេរ៉ាProfessional) និងកែវZoom (Lense) ស្ថិតក្នុងខេត្ត អាយុត្ថាយ៉ា ប្រទេសថៃត្រូវបានលិចលង់ ស្ទើរតែទាំងស្រុងដោយទឹកភ្លៀងមូសុង។ នេះបើតាមព័ត៌មានដែលបានចេញផ្សាយកាលពីថ្ងៃពុធ ទី ១២ តុលា កន្លងទៅនេះ។
យោងតាមព័ត៌មានដែលបានចេញផ្សាយលើបណ្ដាញសារព័ត៌មាន អនឡាញ reuters បានឲ្យដឹងថា ការជន់លិចនេះ បានធ្វើឲ្យតម្លៃប័ណ្ណភាគហ៊ុនរបស់Nikon ធ្លាក់ចុះប្រមាណ ៣ភាគរយ ហើយ។
ដោយឡែកចំពោះទំហំខូចខាត ពុំទាន់អាចគណនាបាននៅឡើយទេ។ ឆ្លើយតបទៅនឹងចម្ងល់នេះ តំណាងក្រុមហ៊ុនNikon ប្រចាំតំបន់នោះបានលើកឡើងថា “យើងពុំទាន់អាចវាយតម្លៃទឹកប្រាក់ត្រូវទឹកជំនន់លេបត្របាក់បាននៅឡើយទេ ទាល់តែចាំមើលទឹកស្រក ហើយ ដំណើរការណ៍ រោងចក្រវិញទើបដឹង”។
តំណាងដដែលនេះបន្តថា យើងកំពុងតែចាត់វិធានការ ដើម្បីដោះស្រាយបញ្ហានេះ។ មិនយូរទេ អ្វីគ្រប់យ៉ាងនឹងដំណើរការទៅធម្មតាវិញ។
ប្រភពរូប៖nikonrumors.com
No comments:
Post a Comment