ដើម្បីបំពេញតាមសំណូមពរមិត្តយុវវ័យដែលមានការចាប់អារម្មណ៍ លើផលិតផលកុំព្យូទ័រយូរដៃ ម៉ូដែល Macbook Pro របស់ Appleនិងចង់ដឹងពីលក្ខណៈពិសេសមួយចំនួនរបស់វា ហេតុនេះជាការឆ្លើយតប Sabay នឹងលើកយកពីចំណុចសំខាន់ខ្លះៗជាគន្លឹះដើម្បីយកមកបង្ហាញជូនអ្នកទាំងអស់គ្នាបានដឹងទុកជាព័ត៌មាន។
អ្វីដែលកាន់តែពិសេស វាអាចទប់ស្កាត់ការសាយភាយសារធាតុពុលដល់អ្នកប្រើប្រាស់ ដោយត្រូវគេយកទៅពិសោធន៍ និងបានការទទួលស្គាល់ពីស្ថាប័ន EPEAT របស់អាមេរិក។ ដោយសារតែវាដំណើរការណ៍ដោយប្រព័ន្ធប្រតិបត្តិការថ្មីចុងក្រោយ Mac OS X Lion លោកអ្នកក៏លែងភ័យបារម្ភពីការជ្រៀតចូលមេរោគពីកុំព្យូទ័រដទៃទៀតបានយ៉ាងគាប់ប្រសើរ។ ជាមួយគ្នានេះដែរ កុំព្យូទ័រប្រភេទនេះល្អស័ក្ដិសមសម្រាប់អ្នកដែលចូលចិត្តលេងហ្គេមកម្សាន្តដោយសារវាមានល្បឿនលឿន និងមានក្រាហ្វិកប្រភេទ Intel HD ដែលធ្វើឲ្យរូបភាព និងការដំណើរការណ៍មិនមានភាពរអាក់រអួល។
វាក៏បានភ្ជាប់ជាមួយនូវកម្មវិធីមួយចំនួនដូចជា I Movie ងាយស្រួលសម្រាប់អ្នកដែលចូលចិត្តកាត់តវីដេអូ និង Photo Booth សម្រាប់ធ្វើការរចនារូបថត។ អ្វីដែលកាន់តែអស្ចារ្យទៅទៀតនោះ ជាមួយបច្ចេកវិទ្យា Multitouch Gesture អ្នកគ្រាន់តែប្រើម្រាមដៃប៉ុណ្ណោះដើម្បីទាញចុះទាញឡើង ឬធ្វើសកម្មភាពណាមួយតាមការចង់បាន។ លើសពីនេះវាក៏អាចប្រើជាមួយ Window 7 ជាមួយគ្នាបានផងដែរ៕
លក្ខណៈពិសេស
ប្រព័ន្ធប្រតិបត្តិការៈ Mac OS X Lion និងអាចប្រើជាមួយ Window 7
អេក្រង់ៈ ទំហំ ១៣ អ៊ីញ ប្រភេទ LED-backlit glossy
ថាសរឹងៈ ៣២០ GB និងអាចបន្ថែម ៥០០ GB
អង្គគណនា: Intel Core i5 ល្បឿន 2.3GHz
ម៉េម៉ូរី: 4 GB ប្រភេទ DDR3
មានៈ Bluetooth, Wi-Fi
មានៈ ផតThunderbolt, USB និង FireWire
ថ្មៈ អាចប្រើប្រាស់បាន ៧ ម៉ោង
ទម្ងន់ៈ ២.០៤ គ.ក្រ
តម្លៃៈ ១២៩៩ ដុល្លារ
No comments:
Post a Comment