Epesitecក៏​ចេញ​លក់​Tablet​ដែរ!

ក្រុមហ៊ុន Epesitec បាន​សម្ពោធ​ Tablet ដែល​ដំណើរការ​ដោយ​ Android ពីរ​ស៊េរី​ថ្មី​ៗ​ដែល​មាន​លក្ខណៈ​ពិសេស​ៗ​មួយ​ចំនួន។ Tablet ទាំង​ពីរ​នេះ មាន​លក្ខណៈ​ស្រដៀង​គ្នា តែ​ខុស​គ្នា​តែ​មួយ​ចំណុច​ប៉ុណ្ណោះ គឺ​មួយ​មាន 3G និង មួយ​ទៀត​មាន​តែ WiFi។
Tablet ទាំង​ពីរ​សុទ្ធ​តែ​ដំណើរការ​ដោយ​ប្រព័ន្ធ​ប្រតិបត្តិការ​ Android 2.3 និង​មាន​អេក្រង់​ទំហំ ៧ អ៊ីញ។ វា​មាន​ RAM ទំហំ 512MB, Flash storage ទំហំ 4GB និង​អាច​បន្ថែម​​ដល់ 32GB។ រី​ឯ​ Processor របស់​វា​មាន​ល្បឿន 1.2GHz ជាមួយ PowerVR series 5 graphics។ Tablet ទាំង​ពីរ​សុទ្ធ​តែ​មាន​កាមេរ៉ា​ក្រោយ​ទំហំ 3MP និង​មាន​កាមេរ៉ា​មុខ​មួយ។ ចំពោះ​ការ​ភ្ជាប់​ទំនាក់ទំនង​របស់​វា​មាន​ដូចជា Bluetooth, WiFi, USB, analog TV output។



ចង់​ដឹង​តម្លៃ​អត់? តម្លៃ​របស់​វា​ប្រែ​ប្រួល​ទៅ​តាម​ស៊េរី​របស់​វា​ ពោល​គឺ E516 មាន 3G តម្លៃ ២៤៩ ដុល្លារ និង E515 មាន​តែ WiFi តម្លៃ ១៨៩ ដុល្លារ។ ផលិត​ផល​នេះ​នឹង​ចេញ​លក់​នៅ​ថ្ងៃ​ទី ១ ខែ​វិច្ឆិកា​ខាង​មុខ​នេះ​ហើយ៕