Galaxy S III​នឹង​ប្រើ​Dual Core 2GHz?

កាល​ពី​ថ្ងៃ​ម្សិល​មិញ​នេះ​គេហទំព័រ​អន្តរជាតិ Geeky-gadges បាន​ចុះ​ផ្សាយ​ពាក្យ​ចចាមអារ៉ាម​មួយ​ថា Samsung Galaxy S III នឹង​ប្រើ​ប្រាស់​ Processor ជំនាន់​ចុង​ក្រោយ​របស់​ Samsung Exynos 5250 ល្បឿន 2GHz។
ទូរស័ព្ទ Samsung Galaxy S III ត្រូវ​បាន​លេច​លឺ​កាល​ពី​ប៉ុន្មាន​ខែ​មុន ប៉ុន្តែ​ឥឡូវ​ស្រាប់​តែ​ងើប​មក​វិញ​ជាមួយ​ Chip ជំនាន់​ចុង​ក្រោយ​របស់ Samsung ទៀត​ គឺ​ Exynos 5250។ បើ​តាម​ពាក្យ​ចចាមអារ៉ាម​នេះ Galaxy S III នឹង​ប្រើ​ Processor ល្បឿន​រហូត​ដល់ 2 GHz ហើយ​ជា Dual-core ថែម​ទៀត​ផង។ លើស​ពី​នេះ​ទៀត​ Samsung Galaxy S III ត្រូវ​បាន​រំពឹង​ថា​នឹង​មាន RAM 2 GB មាន​អេក្រង់​ទំហំ ៤,៦ អ៊ីញ ប្រភេទ Super AMOLED Plus HD មាន Resolution 1280×720 pixels នឹង​អាច​មាន​កាមេរ៉ា​រហូត​ដល់ 12MP។

គួរ​បញ្ជាក់​ផង​ដែរ​ថា​ Samsung Galaxy S II ក៏​មាន​ពាក្យ​ចចាមអារ៉ាម​ផង​ដែរ​ថា ទូរស័ព្ទ​នឹង​ចេញ​ថ្មី​មក​ជាមួយ​ Samsung Exynos 4412 quad core processor និង​អាច​មាន​ល្បឿន​រហូត​ដល់ 1.5 GHz។
តើ​ប្រិយមិត្ត​ចង់​​ឲ្យ​ពាក្យ​ចចាមអារ៉ាម​នេះ​ក្លាយ​ជា​ការ​ពិត​ទេ? សូម​ជួយ​ប្រាប់​ផង!