Windows Phone​អី​ធំ​ម៉្លេះ?

ប្រិយមិត្ត​ប្រហែល​ជា​ស្គាល់​ហើយ ថា​ Windows Phone មាន​ទំហំ​ប៉ុណ្ណា​នោះ តែ​នេះ​មិន​មែន​ទំហំ​ធម្មតា​ទេ! ក្រុមហ៊ុន Microsoft បាន​សាងសង់ Windows Phone កម្ពស់​ ៦ ជាន់​ដែល​មាន​ទីតាំង​ស្ថិត​នៅ​ Herald Square នៃ​ទីក្រុង​ញីវយ៉ក។

Windows Phone យក្ស​មួយ​នេះ​ត្រូវ​បាន​សាងសង់​ឡើង​បន្ទាប់​ពី​​ទូរស័ព្ទ​ Windows Phone បី​ស៊េរី​បាន​​លក់​គឺ Samsung Focus S, Focus Flash និង HTC Radar 4G។ Windows Phone កម្ពស់​ ៦ ជាន់​នេះ​មាន​ទីតាំង​ត្រឹម​តែ​ប៉ុន្មាន​ហ្វីត​ពី​ហាង​ Macy ធំ​បំផុត​ក្នុង​លោក។ ជា​ពិសេស​ទីតាំង​ដែល​ Microsoft សាងសង់​ Windows Phone ដ៏​ធំ​មហិមា​នេះ​ គឺ​ជា​កន្លែង​ដែល​មាន​មនុស្ស​ម្នា​រាប់​ពាន់​នាក់​ដើរ​កាត់​រៀងរាល់​ថ្ងៃ។

ពិត​ណាស់ Windows Phone នេះ​ពិត​ជា​ធំ​មហិមា​មែន​ ប៉ុន្តែ​វា​មិន​មែន​ជា Windows Phone ពិត​ឡើយ គឺ​ជា​អគារ​មួយ​ដែល​មាន​មនុស្ស​បញ្ជា​ពី​ខាង​ក្នុង។ ចំពោះ​អេក្រង់​ដែល​មាន​ឃើញ​រូបភាព​បង្ហាញ​នោះ​ សុទ្ធ​តែ​មាន​អ្នក​បច្ចេកទេស​បញ្ជា​ពី​ក្នុង​មក​ទេ។

បើ​មាន​ Windows Phone ទំហំ​អគារ​ ៦ ជាន់​នេះ​មែន​ មិន​ដឹង​ប្រើ​យ៉ាង​ម៉េច​ទេ​ហ្ន៎!