បន្ទាប់ពីបានសាកសួរទៅកាន់អ្នកប្រើប្រាស់ iPhone 4S ជាច្រើនគេហទំព័រ engadget បានចុះផ្សាយពីលទ្ធផលនៃចម្លើយ ក៏ដូចជាការរអ៊ូរទាំព្រោះ iPhone 4S មិនស្គាល់ស៊ីម ហើយចេះតែលោទចេញផ្ទាំងតូចមួយដែលសរសេរថា No SIM card installed។ ជុំវិញរឿងនេះ ក្រុម Woo Servers បានស្វែងរកពីឫសគល់នៃបញ្ហា ហើយបានអះអាងថាបញ្ហានេះកើតឡើងមកពីកង្វះខាតនៅក្នុងការរចនា កន្លែងដាក់ស៊ីមកាត។ ក្រុមនេះក៏បានប្រាប់ពីរបៀបដើម្បីដោះស្រាយដែរ ប៉ុន្តែអ្នកប្រើប្រាស់មួយចំនួននៅតែធ្វើបានសម្រេច។ ដូច្នេះក្រុមហ៊ុន Apple គួរតែធ្វើអ្វីម្យ៉ាងដើម្បីដោះស្រាយរឿងមិនស្គាល់ស៊ីមកាតនេះហើយ មើលទៅ។
គួររំលឹកផងដែរថា iPhone 4S មិនមែនជួបតែបញ្ហាស៊ីមកាតប៉ុណ្ណឹងនោះទេ ថ្មីៗនេះក៏មានការត្អូញត្អែរយ៉ាងខ្លាំងពីរឿងមិនកាន់ថ្ម ផង ដែរ ហើយដើម្បីដោះស្រាយរឿងថ្មនេះ Apple បានព្យាយាម Update ប្រព័ន្ធប្រតិបត្តិការ iOS 5 ទៅ iOS 5.0.1 ប៉ុន្តែនៅតែមិនទាន់បានផល និងរហូតមកដល់ពេលនេះមានពាក្យចចាមអារ៉ាមថា Apple នឹងបញ្ចេញ iOS 5.0.2 ទៀត ដើម្បីដោះស្រាយពីរឿង iPhone 4S មិនកាន់ថ្មនេះ។
បើ iPhone 4S មានកង្វះខាត ក៏ដូចជាបញ្ហាច្រើនបែបនេះ តែវានឹងអាចធ្វើឲ្យ iPhone 4S បាត់បង់ប្រជាប្រិយភាពដែរឬទេ?
No comments:
Post a Comment