គេហទំព័រ Pocketnow បានចុះផ្សាយកាលពីម្សិលមិញនេះថា ទូរស័ព្ទ HTC Edge អាចជាទូរស័ព្ទដំបូងបំផុតដែលប្រើ Quad-core processorហើយនេះអាចធ្វើឲ្យវាជាទូរស័ព្ទដែលខ្លាំងជាងគេខាងបច្ចេកវិទ្យា។
HTC Edge នឹងមានអេក្រង់ទំហំ ៤,៧ អ៊ីញ មានកម្រាស់ជាង ១០ ម.ម នឹងអាចជាទូរស័ព្ទនាំមុខមួយបើធៀបជាមួយនឹង Rezound/Vigor ដែលទើបតែចេញមុខនោះ។ Edge មាន Resolution 720p, RAM 1GB មានកាមេរ៉ាទំហំ 8MP ជាមួយ f2/2 lens។
អ្វីដែលជាការកែលម្អធំបំផុតនៅក្នុង HTC Edge គឺការប្រើប្រាស់ AP30 Tegra 3 CPU ពី Nvidia ដែលមាន core ល្បឿន 1.5GHz ចំនួន ៤ បើធៀបជាមួយ Rezound មានតែ ២។ រីឯអង្គចងចាំក្នុងម៉ាស៊ីនមានទំហំ 32GB ហើយ Bluetooth គួរតែដល់ 4.0 ហើយវានឹងមាន Beats Audio មកជាមួយផងដែរ។
ទូរស័ព្ទ Edgeនេះអាចនឹងមានប្រើសេវាកម្មរបស់ HTC មួយចំនួនដូចជា HTC Listen music store, HTC Read bookstore, HTC Play gaming hub ហើយវាអាចជាទូរស័ព្ទដំបូងដែលប្រើផ្ទាំងប្រើប្រាស់ Sense 4.0។ រីឯប្រព័ន្ធដំណើរការវិញមិនដឹងថានឹងប្រើ Android 4.0 Ice Cream Sandwich ឬក៏អត់នោះទេ ប៉ុន្តែបើមិនវាក៏មិនយូរដែរប្រាកដជាអាច Update ទៅ Android 4.0 មិនខាន។
HTC Edge អាចនឹងចេញមុខនៅចុងត្រីមាសទី ១ ឬដើមត្រីមាសទី ២ ឆ្នាំក្រោយ។
ម៉េចដែរប្រិយមិត្ត HTC Edge ឡូយអត់?
No comments:
Post a Comment