បើឃើញរថយន្តទំនើប បើកលើមហាវិថីក្នុងល្បឿនលឿន អាចជារឿងធម្មតា ប៉ុន្តែបើឃើញអ៊ូប៊រទំនើបបើកលើទឹករលកវិញនោះ អាចជារឿងមួយមិនធម្មតាហើយ! មែនទេ?
ក្រុមហ៊ុន Marine Technology Inc ធ្លាប់មានបំណងចង់កែប្រែល្បឿនរបស់អ៊ូប័រដោយធ្វើយ៉ាងណាឲ្យវាអស្ចារ្យដូចរថយន្តដែរ។ ជាលទ្ធផលគេទទួលបានមហាអ៊ូប័រមួយដែលមានល្បឿនលឿន និងតម្លៃក៏ថ្លៃអស្ចារ្យឈ្មោះថា ZR48។
ZR48 ត្រូវបានផលិតឡើងដោយប្រើផ្នែករបស់ Corvette ZR1។ បើមើលរូបរាងខាងក្រៅរបស់វាស្ទើរតែដូចរថយន្តទំនើបនៅលើទីផ្សារអីចឹង។ ផ្នែកខាងក្រៅរបស់វាត្រូវបានផលិតឡើងដោយ carbon fiber ដែលជាសារធាតុយ៉ាងរឹងដូចដែកតែស្រាលជាង។ អ្វីដែលកាន់តែពិសេសគឺផ្នែកខាងក្នុងរបស់វា គឺមានដូចជាប្រព័ន្ធបំពងសំឡេង ៨០០០ វ៉ាត់ មានកៅអីស្បែកសម្រាប់អ្នកជិះ៦នាក់ មានទូរទស្សន៍ LCD ជាមួយ Apple TV និង មាន mobile wifi hotspot ទៀតផង។ សម្រាប់អ្នកប្រើប្រាស់ iPad អាចមានកន្លែងសម្រាប់ដាក់សាកថ្មទៀតផង។ ZR48 មានម៉ាស៊ីនកម្លាំង ១,៣៥០ សេស ដែលមានល្បឿនលឿនតាមតម្រូវការ។
ប៉ុន្តែកុំភ្លេចថា តម្លៃមិនថោកទេណា! បច្ចេកវិទ្យាក៏ទំនើប តម្លៃក៏កាន់តែខ្ពស់គឺ ១.៧ លាន ដុល្លារសហរដ្ឋអាមេរិក។ គ្រាន់តែមើលរូបភាព ក៏ញាក់សាច់ដែរ! យល់ចឹងអត់?
No comments:
Post a Comment